اتار چڑھاو اس زندگی کی نیچر ہے اور ہر حال ایک نیا امتحان ہوتا ہے

mso-bidi-language:ER">دنیا کی زندگی میں انسان جنت میں نہیں ہے کہ وہ جو چاہے اسے
مل جائے ، جیسے چاہے ویسے مل جائے بلکہ وہ تو یہاں ایک امتحان  سے گزر رہا ہے جس کا رزلٹ اسے اس زندگی کے
اختتام پر ملنا ہے ، اس زندگی کی فطرت اللہ تعالی نے ایسی بنائی ہے کہ انسان یہاں
کئی مختلف حالات سے گزرتا ہے اور ہر حال اس کے لئے ایک امتحان ہوتا ہے  کبھی اس کو اللہ تعالی نے عزت و اپنائیت والا
حال دیا ہوتا ہے کبھی اجنبیت والا حال دیا ہوتا ہے کہ ہر طرف سے اسے اجنبیت کا ،
تنہائی کا سامنا ہوتا ہے ، کبھی مالداری ہوتی ہے تو کبھی حالات کی تنگی کا سامنا
ہوتا ہے ،کبھی اس کے پاس خوشیاں ہی خوشیاں ہوتی ہیں اور ہر طرف معاملات درست چل
رہے ہوتے اور کبھی  ہر طرف سے غم ملنے شروع
ہوجاتے ہیں ، کبھی وہ صحت مند ہوتا ہے تو کبھی کئی بیماریوں نے اسے گھیرا ہوتا ہے
، کبھی وہ سمجھتا ہے کہ سب کچھ اس کے کنٹرول میں ہے جو چاہے جیسے چاہے کرسکتا ہے
کبھی ایسے لگتا کہ کچھ بھی کرنا اس کے بس میں نہیں  ہے  کبھی
وہ ہنستا ہے تو ہنستا ہی چلا جاتا ہے کبھی ایسا ہوتا ہے کہ شاید ہنسنے کا اس سے
کوئی تعلق ہی نہیں ،  غرض یہ تمام حالات
اور ان کا الٹ پھیر  اس کا امتحان ہے  کہ ان حالات میں اس کا ری ایکشن کیا ہے ، یہ
کیا بولتا ہے ،کیا کرتا ہے ، افسر ہونے کی صورت میں کیسے چلتا ہے افسری ختم ہونے
کی صورت میں کیسے چلتا ہے ، خوشی میں کیسے چلتا ہے غمی میں کیسے چلتا ہے ، اگر تو
وہ ان تمام حالات میں اللہ تعالی کی تعریف کرتا ہے تو یقینا یہ ان لوگوں میں شامل
ہے جنہیں جنت میں سب سے پہلے بلایا جائے گا ، اسی طرح ہر حال میں اللہ تعالی کی
پسند معلوم کرکے اس کے مطابق اپنی ذمہ داری پوری کرتا ہے تو بھی کامیاب ہے لیکن
اگر ان مختلف حالات میں وہ اپنے ذہن کے مطابق چلنے کی کوشش کرے گا ، یا غصے اور محبت
میں حد اعتدال سے ہٹ جائے گا تو یقینا اپنے لئے مشکلات بھی بڑھائے گا  اور دنیا و آخرت دونوں میں ناکام ہوگا ۔ اس لئے
ہمیں چاہئیے ہمارے اوپر آنے والے حالات میں اللہ تعالی کی پسند ناپسند معلوم کریں،
صراط مستقیم کی دعائیں کریں ، اللہ تعالی سے مدد مانگیں اور  اس کے لئے قرآن و سنت سیکھیں ، اس کے لئے عربی
زبان سیکھیں  تاکہ ہم درست رہنمائی حاص
کرسکیں  شک سے نکل کر یقینی راستہ اپنا
سکیں ۔